Qaraǵandyda janarmaı beketine jaı túsip, jarylys boldy
QARAǴANDY. QazAqparat - Qaraǵandyda avtojanarmaı quıý stansalarynyń birine naızaǵaı túsip, jarylys boldy, dep habarlaıdy QazAqparat tilshisi.
Kýágerlerdiń aıtýynsha, jarylys 12 shildede bolǵan. Qatty tars etken daýys shyǵyp, janarmaı beketiniń tas-talqany shyqqan.
Qaraǵandy oblystyq TJD-da habarlanǵandaı, 12 shildede 15:43-te Sovhoznaıa kóshesiniń boıyndaǵy «Vıta Mars» avtojanarmaı quıý stansasyna naızaǵaı túskeni týraly habarlama túsken. Oqıǵa ornyna 5 tehnıka men órt sóndirýshiler jáne qutqarýshylardan quralǵan 24 adam barǵan.
Oqıǵa ornynda naızaǵaı soǵýy saldarynan 4 janarmaı quıý baǵanynyń qıraǵany anyqtalǵan.
«Órt sóndirýshiler janarmaı quıý baǵandary men janar-jaǵarmaı materıaldaryn saqtaıtyn ydystardy salqyndatý jumystaryn júrgizdi. Órt bolǵan joq», - dep túsindirdi vedomstvoda.
