Qaraǵandyda jańa vırýsologııalyq zerthana ashyldy
Jańa zerthana koronavırýstyq ınfektsııa aýrýyna aýqymdy testileý júrgizýge kómektesedi. Ázirshe, qaýip tobyndaǵy adamdar - medıtsına qyzmetkerleri, vırýstyq ınfektsııasy bar júkti áıelder, tynys alý organdarynyń sozylmaly aýrýlary bar dıspanserlik esepte turǵan adamdar, medıtsınalyq-áleýmettik mekemelerdiń qamqorlyǵyndaǵy adamdar, kazarmalyq rejımde turǵan áskerı qyzmetshiler analızderdi tapsyra alady.
Qaraǵandy medıtsına ýnıversıteti COVID-19 damý mehanızmderine jáne osy aýrýǵa ımmýnıtetti qalyptastyrýǵa arnalǵan ǵylymı zertteýlerde biregeı molekýlalyq-genetıkalyq zerthanany iske qosýdy josparlap otyr.
Óńirde pýlmonologııalyq ortalyqtar jumys isteıdi. Bulardyń jumysynyń arqasynda 14 koronavırýsty ınfektsııamen aýyratyndar anyqtaldy. Al olardyń barlyǵy sanıtarlyq-epıdemıologııalyq normalardy saqtaı otyryp ınfektsııalyq statsıonarlarǵa aýystyryldy.
Qaraǵandy oblysyna vırýspen kúres júrgizýdegi tájirıbesimen bólisý úshin Qytaıdan dárigerler komandasy keldi. Top quramynda ınfektsıonıster, pýlmonologtar, nefrologtar, qarqyndy terapııa dárigerleri jáne bas medbıke bar.
Qytaı mamandary Qaraǵandy medıtsına ýnıversıtetinde konferentsııa ótkizdi. Sondaı-aq sheteldik mamandar dárister oqıdy jáne sheberlik sabaqtar ótkizedi, tájirıbelerimen bólisedi.
«Qazaqstannyń densaýlyq saqtaý júıesi jaqsy deńgeıde, dárigerlerdiń kásibı deńgeıi joǵary, zamanaýı jabdyqtarmen jaraqtandyrylýy táýir. Qazir juqpaly aýrýmen kúreste eń bastysy - aldyn alý, bul jaǵdaıda Qazaqstannyń barlyq halqy TJ jáne karantın rejıminiń sharttaryna qulaq asý kerek», - dedi Qytaı delegatsııasynyń múshesi dáriger Lý Chen.
Delegatsııa Qaraǵandyda 18 sáýirge deıin bolady. Qytaı dárigerleri qashyqtan keńes berýge qatysady jáne koronavırýstyq ınfektsııamen kúresý úshin medıtsınalyq mekemelerdiń jumysyn tıimdi uıymdastyrý boıynsha keńester beredi.