Qaraǵandyda jańa neıroońaltý ortalyǵy ashylady
Bul týraly búgin jýrnalısterge «Igilik barshaǵa! Sabaqtastyq. Ádildik. Órleý» atty QR Prezıdentiniń saılaýaldy baǵdarlamasyn júzege asyrý aıasynda uıymdastyrylǵan baspasóz-týry barysynda málimdeldi. Bul baǵdarlamanyń negizgi qaǵıdattarynyń biri medıtsınalyq qyzmetterdiń sapasy men qoljetimdiligi bolyp tabylady.
«Lých» neıroońaltý ortalyǵy 2017 jyly ashyldy. Ol ınsýlttan, neırohırýrgııalyq jáne travmotologııalyq otalardan keıin emdelýdi qajet etetin naýqastardy qabyldaıdy. Ortalyqtyń Qaraǵandy qalasyndaǵy bas bólimshesinen basqa, Jezqazǵan men Temirtaý qalalarynda eki fılıaly jumys isteıdi. Árbir fılıal qajetti jabdyqtarmen jabdyqtalǵan jáne 25 tósekke shaqtalǵan.
Qaraǵandydaǵy «Lých» ortalyǵynda táýlik boıy 70 tósekti statsıonar ornalasqan. Munda nevrologııa jáne reabılıtologııa salasynda 12 joǵary bilikti mamandar, sondaı-aq 13 medbıke, 6 massaj jasaýshy, 3 emdik dene shynyqtyrý nusqaýshysy, logoped, kishi medıtsınalyq qyzmetkerler sanatynan 17 qyzmetker jumys isteıdi.
Sonymen qatar ortalyq bazasynda Qaraǵandy medıtsına ýnıversıtetiniń nevrologııa jáne ońaltý kafedrasy jumys isteıdi.
Medık-stýdentter «Lých» ortalyǵynda aspaly slım-júıeni quryp, ornatýdy usynǵan. Bul qurylǵy tirek-qımyl apparatynyń fýnktsııalary buzylǵan naýqastardy tez jáne jaıly ońaltýǵa yqpal etedi.
«Qaraǵandyda JOO stýdentteri arasynda meıkaton ótkizildi. Osy meıkatonnyń qatysýshylary, medıtsına ýnıversıtetiniń stýdentteri osy aspaly júıeni oılap taýyp, sodan keıin bizdiń EDSh zalynda ony ornatý týraly ótinish bildirdi. Bul júıe fırmalyq qondyrǵylardan kem túspeıdi, biraq baǵasy áldeqaıda arzan», - dedi «Lých» neıroońaltý ortalyǵy dırektorynyń orynbasary Elena Lı.
Ortalyqta ergoterapııa aımaǵy da ornalasqan. Ol arnaıy jabdyqtarmen, onyń ishinde usaq motorıkany damytýǵa arnalǵan qurylǵylarmen qamtylǵan. Emdik dene shynyqtyrý zalynda júrý ımıtatorlary, qol jáne aıaqty shynyqtyrýǵa arnalǵan apparattar ornatylǵan. Fızıokabınet jáne lımfodrenaj júıesi jáne omyrtqa men gıdromassajdyń sý astynda sorý kesheni bar sýmen emdeý de bar.
Emdelýshiler bir aptalyq emdeý kýrsynan keıin jaǵdaılary aıtarlyqtaı jaqsarǵanyn atap ótedi. Alaıda, tolyq ońalý úshin bir jyl ishinde birneshe kýrstardan ótý qajet. Qazirgi tańda emdeýden ótýge kezekte turǵandardyń qatary kóp. Ońaltý qyzmetterine suranys jyl saıyn ósip keledi. Sondyqtan 2019 jyly MJÁ baǵdarlamasy boıynsha Qaraǵandyda taǵy bir fılıal ashý josparlanýda.
«Ońtústik shyǵystaǵy» jańa fılıal 40 tósekke eseptelgen. Onyń ashylýy emdelýshilerge ońaltýdy uzaq kútpeýge jáne bizdiń qyzmetimizdi qoljetimdi etýge múmkindik beredi», - dep atap ótti Elena Lı.
«Lých» ortalyǵynyń mamandary jylyna 2,5 myńnan astam adamdy qabyldaıdy. Emdelýshilerdiń kópshiligi ońaltýdan tegin ótedi. Emdi memleket tóleıdi. Ortalyq jylyna 400 mıllıon teńgege jýyq somaǵa memlekettik tapsyrys boıynsha qyzmet kórsetedi.
«2020 jyldyń qańtarynan bastap elimizde mindetti medıtsınalyq saqtandyrý júıesi jumys isteı bastaıdy. «Lých» ortalyǵynda kórsetiletin fızıoemdeý, ońaltý sııaqty qyzmetter tek saqtandyrylǵan patsıentterge qoljetimdi bolady. Memleket MÁMS qatysatyn azamattardyń 15 sanaty úshin saqtandyrý jarnalaryn tóleıtin bolady», - dep habarlady Qaraǵandy qalasynyń №1 emhanasynyń medıtsınalyq qyzmet sapasyn baqylaý jónindegi dırektordyń orynbasary Olga Ermakova.
