Qaraǵandyda jańa kafedraldy shirkeý ashyldy
ASTANA. 9 qyrkúıek. QazAqparat - Búgin Qaraǵandyda katolıkterdiń kafedraldy shirkeýiniń ashylý rásimi ótti. Saltanatty sharaǵa Rım Papasynyń ýákili, Kıeli Taq kardınaldar alqasynyń dekany, kardınal Andjelo Sodano,
sonymen qatar Qaraǵandy oblysynyń ákimi Ábilǵazy Qusaıynov, Qazaqstandaǵy Vatıkan elshisi Mıgel Maýrı Býendııa jáne QR Din ister jónindegi agenttiginiń tóraǵasy Qaırat Lama Sharıf arnaıy qatysty.
«Bul úlken oqıǵa. Bul Qaraǵandy úshin, Qazaqstan úshin jáne búkil Ortalyq Azııa úshin zor saltanat. Bul - barlyq halyqtar úshin zor dinı bostandyq týraly joldaý», - dep atap ótti kardınal Andjelo Sodano.
Onyń aıtýynsha, Azııanyń qaq júreginde ornalasqan Qazaqstanda din bostandyǵy erkin ornaǵandyǵyn Eýropada da, Amerıkada da biledi.
Óńir basshysy Á.Qusaıynov katolıkterdi osy mańyzdy oqıǵamen quttyqtady.
Al Qaraǵandy epıskopy ıAnýsh Kaleto Qazaqstan basshylyǵyna, ásirese, Prezıdent Nursultan Nazarbaev pen Qaraǵandy oblysynyń basshylyǵyna osy shirkeýdi salýǵa qoldaý bildirgendikteri úshin alǵysyn jetkizdi. Bul Ortalyq Azııadaǵy eń úlken katolık shirkeýi ekendigine toqtalǵan ol: «Onyń qurylysyna búkil álem atsalysty, Qazaqstan, Germanııa, Avstrııa, Shveıtsarııa, Amerıka, tipti Ońtústik Afrıkadan da qaıyrymdylyq qarjysy quıyldy», dedi.
«Qazaqstan Respýblıkasynda barlyq konfessııalar damýda. Bizdiń elde dinge senýshiler arasynda eshqandaı janjaldar joq», dep atap ótti óz kezeginde QR Din ister jónindegi agenttiginiń tóraǵasy Qaırat Lama Sharıf.
