Qaraǵandyda jalǵan shot-faktýra jazyp kelgen qylmystyq toptyń kózi joıyldy

QARAǴANDY. QazAqparat – Qaraǵandy oblysynda birneshe jyl boıy jalǵan shot-faktýra shyǵarýmen aınalysqan qylmystyq toptyń qyzmeti áshkerelendi, dep habarlaıdy QazAqparat tilshisi.

Qaraǵandy prokýrorlary jalǵan shot-faktýra shyǵarý arqyly aqsha qarajatyn zańsyz qolma-qol aqshaǵa aınaldyrý bóliginde kóleńkeli ekonomıkaǵa qarsy is-qımyl máselesin talqylady.

Bul másele Qaraǵandy oblysynyń prokýrory Qusaıyn Igembaevtyń tóraǵalyǵymen ótken úılestirý keńesi otyrysynyń basty taqyryby boldy.

Jumysqa keńes músheleri, memlekettik kirister departamentiniń, Ulttyq bank pen «Atameken» kásipkerler palatasy fılıaldarynyń, ekinshi deńgeıli bankterdiń basshylary qatysty.

Aqshany qylmystyq jolmen qolma qol aqshaǵa aınaldyrý máselesi eń ózekti problemalardyń biri ekeni atap ótildi, sebebi bul árekettermen ekonomıkaǵa ǵana emes, eldiń qaýipsizdigine de zııan keltirilýde.

Quqyq qorǵaý jáne ýákiletti organdardyń birlesken jumysynyń nátıjesinde 7 uıymdasqan qylmystyq toptardyń joly kesildi, mámilelerdi joıý jáne zańdy tulǵalardy tirkeýdi jaramsyz dep taný boıynsha sotqa 3718 talap-aryz joldandy, bıýdjetke 8,3 mlrd teńgeden astam soma óndirildi.

«Mysaly, atalǵan aıla-sharalardyń shemasy aıqyndalyp, M. jetekshilik etken qylmystyq toptyń áreketteri toqtatyldy. Atalǵan top úsh jyl boıy jalǵan shot-faktýralar shyǵaryp, bankomattar arqyly jeke tulǵalardyń kartochkalyq shottary boıynsha qarajatty qolma-qol aqshaǵa aınaldyrýmen aınalysqan. Іs sotta qaralýda», - dep habarlady Qaraǵandy oblystyq prokýratýrasynyń baspasóz qyzmeti.

Sonymen qatar, kóleńkeli ekonomıkaǵa qarsy is-qımyl boıynsha kúsh-jigerdi biriktirýdi jáne jedel sharalar qabyldaýdy talap etetin birqatar máseleler bar.

«Qarajatty qylmystyq jolmen qolma qol aqshaǵa aınaldyrýdy ýaqytyly anyqtaýda bankterdiń róli erekshe, olar qaterlerdi únemi anyqtap, «kúdikti« operatsııalarǵa jol bermeýleri kerek. Qarjy naryǵyn retteý jáne damytý jónindegi óńirlik basqarma men Ekonomıkalyq tergeý departamentiniń mindetteri - qarjy monıtorıngi sýbektileriniń osy baǵyttaǵy jumysyn baqylaý, qylmystyq «shemalardy» anyqtaý jáne qarjylyq barlaý bólimshelerimen birlesip osy faktilerge den qoıý», - dep qosty oblystyq prokýratýrada.

Úılestirý keńesi ýákiletti organdarǵa atalǵan ózara is-qımyl problemalaryn sheshýge baǵyttalǵan vedomstvoaralyq jospar ázirleýdi, sondaı-aq birlesken is-sharalar ótkizý úshin jumys tobyn qurýdy usyndy.