Qaraǵandyda jalǵan kásiporyndar arqyly 19 mlrd. teńgeni qolma-qol aqshaǵa aınaldyrǵan 6 alaıaq ustaldy
ASTANA. Qazannyń 28-i. QazAqparat /Aıdar Ospanalıev/ - Qaraǵandyda jalǵan kásiporyndar arqyly 19 mlrd. teńgeni qolma-qol aqshaǵa aınaldyrǵan 6 alaıaq ustaldy. Bul týraly búgin jýrnalıstermen bolǵan brıfıngte Ekonomıkalyq qylmysqa jáne sybaılas jemqorlyqqa qarsy kúres agenttiginiń resmı ókili Murat Jumanbaı aıtty.
Onyń málimetterinshe, atalmysh toptyń jymqyrǵan qarjylarynyń 1 mıllıard teńgesi memleketke tıesili bolyp otyr. Alaıaqtardy tekserý barysynda olardan 73 kassa apparaty men 303 mórtaban tabyldy. Buǵan qosa olardan Ádilet mınıstrligi men oblystyq jer komıtetiniń, aýdandyq sottar men Qaraǵandy qalasynyń turǵyn úı -kommýnaldyq sharýashylyq qyzmetiniń qoldan jasalǵan mórtabandary alyndy.
