Qaraǵandyda jalǵan habarlama saldarynan saýda ortalyǵynan 500 adam evakýatsııalandy (FOTO)
QARAǴANDY. QazAqparat - Qaraǵandydaǵy «Ortalyq ýnıversam dúkeni» saýda ortalyǵynda jarylǵysh qurylǵy izdeldi.
7 maýsymda, seısenbi keshke qaraı iri saýda ortalyǵy ornalasqan qala alańy qorshaýǵa alyndy. Oqıǵa ornynda jedel qyzmet jáne polıtsııa qyzmetkerleri iske kirisiti.
«Saǵat 19.35-te Qaraǵandy ІІB JBO 102 telefonyna OÝD-da jarylǵysh zat qoıylǵandyǵy týraly habarlama kelip túsken. Oqıǵa ornyna jedel qyzmetterdiń barlyǵy kelip jetti. ІІD saperlary ǵımaratty tolyq tintip shyqty, jarylǵysh qurylǵy tabylmady. Saǵat 20.45-te izdeý toqtatyldy», - dep málim etti oblystyq ІІD baspasóz qyzmetiniń jetekshisi Baqytjan Qudııarov.
Onyń aıtýynsha, oqıǵaǵa baılanysty saýda ortalyǵynan kelýshisi bar, qyzmetkeri bar 500-ge jýyq adam evakýatsııalandy.
«Polıtsııa qyzmetkerleri qońyraý shalynǵan telefon nómirin anyqtady. Qazir kúdiktini anyqtaý jáne qolǵa túsirý sharalary jasalýda. Materıal biryńǵaı sotqa deıingi tergeýler tiziliminde QR QK 273 baby boıynsha (Qasaqana terrorızm aktisi týraly jalǵan habarlaý) tirkeldi, sotqa deıingi tergeý bastaldy», - dedi B. Qudııarov.
