Qaraǵandyda jalǵan dárigerler eki zeınetkerdi tonap ketti
QARAǴANDY. QazAqparat - Qaraǵandyda jedel járdem qyzmetiniń jalǵan dárigerleri eki zeınetkerdiń páterine kirip, aqshalaryn tonap ketken, dep habarlaıdy «QazAqparat» HAA tilshisi.
Qarttarǵa kelgen alaıaqtar óńirde zeınetkerlerdi turǵylyqty mekenjaıy boıynsha medıtsınalyq tekserýden ótkizý naýqany júrip jatqanyn aıtqan. Medıtsınalyq tekserýden keıin dárigerler páterden asyǵys shyǵyp ketken, al qarttar jınaǵan aqshalaryn tappaı qalǵan.
Óz ótirikterine sendirý úshin olar jedel járdem qyzmetiniń qysqy kúrtesin kıgen, qoldarynda medıtsınalyq tekserýge qajetti qurylǵylar salynǵan arnaıy sómke bolǵan.
Qaraǵandy oblysynyń densaýlyq saqtaý basqarmasy, «Jedel járdem qyzmeti» stansasy MM habarlaýynsha, bul mekemeniń qyzmetkerleri josparly zeınetkerlerdi tekserý jumystaryn júrgizbegen.
