Qaraǵandyda jábirlenýshini sot protsesiniń aldynda «satyp almaq» bolǵan qorǵaýshy ustaldy

QARAǴANDY. QazAqparat - Qaraǵandyda jábirlenýshi tarapty sot protsessiniń aldynda satyp almaq bolǵan qorǵaýshy ustaldy, – dep habarlaıdy QazAqparat Polisia.kz-ke silteme jasap.

Qaraǵandy oblystyq Polıtsııa departamenti Uıymdasqan qylmysqa qarsy kúres basqarmasyna belgisiz bir qorǵaýshynyń zańsyz áreketi týraly aqparat tústi. Belgili bolǵandaı, zańger asa aýyr qylmys boıynsha jábirlenýshi taraptyń qorǵaýshysy bolǵan. Al qylmys jasaǵan aıyptalýshy tarap qorǵaýshyǵa qomaqty qarajatqa jábirlenýshiniń jaýabyn ózgertip, sotta jalǵan jaýap berýin ótingen. Sondyqtan da qorǵaýshy aıyptalýshy taraptyń bul usynysyna kónip, arada deldaldyq qyzmet atqarǵan.

«22 qazan kúni Uıymdasqan qylmysqa qarsy kúres basqarmasy qyzmetkerleri júrgizgen jedel is-sharalar barysynda 6,5 mıllıon teńge jáne 2900 AQSh dollary aqshasyn alǵannan keıin 36 jastaǵy qorǵaýshy ustaldy. Polıtsııa qyzmetkerleri onyń kóligin tintý barysynda taǵyda 3100 AQSh dollary tárkilenip alyndy, – dep habarlady Qaraǵandy oblystyq PD bastyǵynyń orynbasary Ábil Ábildın.

Atalǵan fakti boıynsha Qazaqstan Respýblıkasy Qylmystyq kodeksiniń 422-baby 4 tarmaǵyna sáıkes qylmystyq is qozǵaldy. Tergeý amaldary júrgizilýde.

Foto: polisia.kz