Qaraǵandyda Jábirlenýshiler qoryna 2 mln teńge óndirildi
Qor jábirlenýshilerge qajetti materıaldyq kómekti jyldam túrde kórsetý maqsatynda quryldy. Ótemaqy somasy qylmystyń aýyrlyǵyna baılanysty 5-30 AEK kóleminde bolady. Sonymen qatar, qor protsessýaldyq buzýshylyq esebinen jáne túzetý jumystary túrindegi jaza taǵaıyndalǵan sottalǵan adamdardyń tóleıtin somasy esebinen tolyqtyrylady.
Zań boıynsha qor qarjysy eki jyl aralyǵynda jınaqtalyp, 2020 jyldyń 1 maýsymynan bastap ótemaqy tóleý bastalady. Ótemaqyny jynystyq zorlyq-zombylyqqa qatysty qylmystar boıynsha kámeletke tolmaǵan jábirlenýshiler, adam saýdasy jáne azaptaýlardan zardap shekken tulǵalar, densaýlyǵyna zor nuqsan keltirilgender ne adamnyń ımmýn tapshylyǵy vırýsyn (AITV/JITS) juqtyrǵandar ala alady. Eger jábirlenýshi qaıtys bolǵan jaǵdaıda, jábirlenýshiniń zańdy ókilderi alýǵa quqyly.