Qaraǵandyda zeınetkerlerdiń jol júrý bıletterin almastyryp jatyr
QARAǴANDY. QazAqparat - 12 myń qaraǵandylyq zeınetker 1 qyrkúıekke deıin jol júrý bıletterin alýy qajet. Buǵan deıin zeınetkerlerge tegin júrý quqyǵyn bergen áleýmettik jol júrý bıleti endi jaramsyz, dep habarlaıdy QazAqparat tilshisi.
Jol júrý bıletin alǵan zeınetkerler avtobýsqa 50 teńge tólep júredi.
«1 shildeden bastap Qaraǵandydaǵy 12 myń zeınetkerdiń zeınetaqy mólsheri 21 AEK-ten, ıaǵnı 50 505 teńgeden asty. Olar buryn tegin júretin, endi ondaı áleýmettik kómek joq. Jol bıletin almastyrý 1 qyrkúıekke deıin júrgiziledi. Zeınetkerler oǵan deıin avtobýsta tegin júre alady», - deıdi Qaraǵandy qalasynyń kommýnaldyq sharýashylyq, jolaýshy kóligi jáne avtojoldar bóliminiń basshysy Eskendir Qabıdolla.
«Áleýmettik jol júrý bıletteri zeınetkerlerge 5-6 jyl buryn berilgen. Sodan beri keıbiriniń turǵan jeri ózgerdi, keıbiri ómirden ozdy. Jol júrýge qınalatyndar bar, avtobýs qyzmetin múlde paıdalanbaıtyndary qanshama. Sondyqtan biz aldyn ala tapsyrys bermesten, naqty málimet boıynsha áreket etýge sheshim qabyldadyq», - deıdi jolaýshylar kóligi bóliminiń basshysy.
