Qaraǵandyda zańsyz túrde 180 mln teńgeniń shot-faktýrasyn jazyp shyǵarmaq bolǵandar ustaldy
NUR-SULTAN. QazAqparat – Qaraǵandy qalasynyń turǵyny 180 mıllıon teńdegen astam qarajatty qolma-qol aqshaǵa aınaldyrý boıynsha zańsyz áreketterdi jasaýǵa kómekteskeni úshin sottaldy, dep habarlaıdy QR QM Qarjy monıtorıngi komıteti.
«Qaraǵandy oblysy boıynsha Ekonomıkalyq tergeý departamenti is júzinde jumystar oryndalmaı, qyzmetter kórsetilmeı, taýarlar tıep-jóneltilmeı shot-faktýrany jalpy somasy 189,4 mln. teńgege jazyp shyǵarý boıynsha qylmystyq isti jasaýǵa járdemdesý áreketiniń jolyn kesti» delingen habarlamada.
Málimetke saı, jeke kásipkerlik sýbektisine kómekteskeni úshin Qaraǵandy qalasynyń turǵynyna 18 mln. teńge aqshalaı syıaqyǵa ýáde berilgen.
Odan basqa, ózara esep aıyrysý jáne tıisti salyq deklaratsııalaryn tapsyrý kezindegi bıýdjetke qosymsha eseptelip, tólenetin jalpy salyq somasy 54,1 mln teńgeni qurady.
Qazybek bı aýdandyq sotynyń úkimimen kináli tulǵaǵa probatsııalyq baqylaý ornata otyryp, 1 jyl 6 aıǵa bas bostandyǵyn shekteý jazasy taǵaıyndaldy.
