Qaraǵandyda zańsyz ornatylǵan batýttar alynyp jatyr
QARAǴANDY. QazAqparat - Qaraǵandyda arnaıy qurylǵan komıssııa zańsyz ornatylǵan batýttardy alyp jatyr, dep habarlaıdy QazAqparat tilshisi.
«Basty másele - jyljymaly saýda núkteleri men attraktsıondardyń ıelerin oryndarynan tappaı jatyrmyz. Olardyń ornyna kámeletke tolmaǵan balalar satýshy bolyp júr, olar eshteńe túsindire de almaıdy. Birinshi ret tek eskertý berip jatyrmyz, bolashaqta - qatań sharalar qoldanamyz», - dedi mádenıet, demalys parkteri men qala saıabaqtary basqarmasynyń ókili Dáýrenbek Lesov.
Buǵan deıin olardyń ıeleri basqarmamen shart jasasyp kelgen. Alaıda, jaqyn ornalasqan úılerdiń turǵyndarynan kóptegen shaǵymdar túse bastaǵannan keıin kelisim jasasýdy toqtatqan. Keıbir kásipkerler osyǵan qaramastan, óz qyzmetterin zańsyz jalǵastyryp otyr.
«Zańsyz batýttarǵa balalaryn alyp barǵan ata-analar onyń ómiri men densaýlyǵyna qaýip keltiredi. Taıaýda Astanada bolǵan oqıǵanyń ózi jetkilikti. Saýda ortalyǵynyń aýmaǵynda ornalasqan batýtty jel ushyryp, bes bala zardap shekken edi», - dep atap ótti vedomstvodan.
Respýblıka dańǵylyndaǵy saıabaqqa kezekti reıd júrgizý barysynda batýtty alyp kettik. Salmaǵy bir tonnadan asatyn zańsyz attraktsıon saıabaqtar basqarmasynyń aýmaǵyna jetkizildi. Onyń quny bir mıllıon teńgeden asýy múmkin. Onyń ıesine QR Ákimshilik kodekstiń 463-baby boıynsha aıyppul salynady.
Quzyrly organ ókilderiniń qatysýymen mundaı reıdter jaz boıy júrgizilmek.
