Qaraǵandyda ıAýda Musaǵalıevti eske alýǵa arnalǵan jeńil atletıka memorıaly ótti
QARAǴANDY. QazAqparat – Qaraǵandy qalasynda aty ańyzǵa aınalǵan kenshi ıAýda Musaǵalıevtiń qurmetine jeńil atletıkadan 45-shi Respýblıkalyq memorıal ótti. Týrnır uıymdastyrýshylarynyń aıtýynsha, negizgi mindet sportty nasıhattaý ǵana emes, jerlester týraly estelikterdi saqtaý bolyp tabylady, dep habarlaıdy QazAqparat tilshisi.
ıAýda Musaǵalıev – Sotsıalıstik Eńbek Eri ekenin qazir kóp adamdar bile bermeıdi. Kezinde ol №23 Qaraǵandy shahtasynda taý-ken kombaınynyń mashınısi bolyp jumys istedi.
Jarysqa 2004-2005 jyly týǵan sportshylar qatysty. Qaraǵandyǵa Nur-Sultan, Petropavl, Kókshetaý, Saýmalkól (ShQO), Aqtaý, Temirtaý, Abaı, Saran, Shahtınsk qalalarynan jeńil atletter jınaldy. Árıne, qaraǵandylyqtar da jaqsy nátıjeler kórsetti.
ıAýda Musaǵalıevti eske alýǵa arnalǵan alǵashqy týrnır 1976 jyly ótken. Osy sátten bastap birinshilikke burynǵy Keńes Odaǵynan, sodan keıin Qazaqstan Respýblıkasynyń barlyq qalalary men oblystarynan on myńnan astam uldar men qyzdar qatysty. Qaraǵandy oblysynyń kóptegen jetekshi jáne kórnekti sportshylary osy jarysta óner kórsetken. Byltyrǵy týrnırlerdiń jeńimpazdary Qazaqstan quramasynyń quramyna kirip, respýblıkalyq jáne halyqaralyq birinshilikterde medaldardy jeńip alýda.
