Qaraǵandyda volonterler jumysy týraly onlaın koferentsııa ótti

QARAǴANDY. QazAqparat – Qaraǵandyda belsendi volonterlerdiń qatysýymen «Pandemııa kezeńindegi oblys volonterleriniń qyzmeti jáne tájirıbe almasý» atty onlaın-koferentsııa ótkizildi, dep habarlaıdy QazAqparat.

Sharany Qaraǵandy oblysynyń jastar saıasaty máseleleri jónindegi basqarmasy uıymdastyrdy.

Konferentsııa aıasynda pandemııa kezindegi volonterlikke qatysty ortaq máseleler talqylandy, volonterlik salasyndaǵy tıimdi jumys tásilderi ortaǵa salynyp, jańa volonterlerdi qaıyrymdylyq is-sharalarǵa tartý, belsendi volonterlerdi marapattaý jáne olardyń qaýipsizdigin qamatamasyz etý máseleleri tóńireginde oılar, pikir almastyryldy.

Sonymen qatar, is-sharaǵa óńirlik jastar resýrstyq ortalyqtary, bastamashyl volonterlyq toptar, volonterler, kásipkerler qatysty.
Búgingi tańda oblys boıynsha 1722 volonter qoǵam ıgiligi úshin qyzmet etýde. Qaraǵandy oblysynda aǵymdaǵy jyldyń 16 naýryzynan bastap osy ýaqytqa deıin volonterlermen jáne kásipkerlerdiń járdemdesýimen kópbalaly jáne az qamtylǵan otbasylarǵa, jalǵyzbasty qart adamdarǵa, múgedekterge jáne barlyq muqtaj jandarǵa kómek kórsetý boıynsha 401 aktsııa ótkizildi. Oblysymyzdyń 33198 turǵynyna jalpy somasy 30 mln teńgeden astam qarajatqa 70 tonnaǵa jýyq azyq-túlik pen turmysqa qajetti zattar jetkizildi.

Ár óńirde ashylǵan volonterlik shtabtarǵa kómekke zárý adamdar túrli ótinishpen qońyraý shalýda. Negizinen turǵyndar tegin azyq-túlik sebetteri, dúkennen azyq-túlik jetkizý, dárihanadan dári-dármek jetkizý, volonter qataryna qosylý t. b. suraqtar boıynsha habarlasýda.

Syn saǵatta volonterler qatarynan tabylǵan jastardyń eńbegi erlikke para-par. Naǵyz patrıottyqtyń úlgisin tanytyp júrgen qaıyrymdy jandardyń basyn qosqan onlaın-konferentsııa biraz túıtkildi máselelerdiń túıinin sheship, ortaq baǵyt ustanýǵa septigin tıgizdi.

Osylaısha Qaraǵandy oblysynyń volonterleri jańa tehnologııalardyń múmkindigin paıdalana otyryp, jumystaryn jandandyra túsýde.