Qaraǵandyda voleıboldan áıelder arasynda Ulttyq lıgadaǵy el chempıonatynyń 5-týry bastaldy
ALMATY. 21 naýryz. QazAqparat - Qaraǵandyda 21-26 naýryz kúnderi voleıboldan Ulttyq lıgadaǵy áıelder komandalary arasynda HHІ Qazaqstan chempıonatynyń 5-týry ótedi.
Báseke «Astana» men «Almaty» jáne «Ertis-Qazhrom»(Pavlodar) men «Qaraǵandy» komandalarynyń oıyndarymen bastalmaq. Buǵan deıin astanalyqtar 3 ret 3:1, 3:0 jáne 3:2 esebimen basym túsip, tek bir kezdesýde 2:3 esebimen jeńilis tapqan edi. Pavlodarlyqtar 3 ret 3:0 esebimen oısyrata jeńgenimen, bir oıynda dál osyndaı eseppen súrindi.
Al búgin jupsyz qalǵan Taldyqorǵannyń «Jetisýy» qazir týrnır kestesinde 45 upaımen dara kele jatyr. Olar chempıonattaǵy 16 oıynda birde-bir ret jeńilistiń aşy dámin tatpaǵan jalǵyz komanda bolyp otyr. Taldyqorǵandyqtardan astanalyqtar - 16, pavlodarlyqtar - 24, almatylyqtar - 32, qaraǵandylyqtar 33 upaıǵa artta qalyp qoıdy.
