Qaraǵandyda voleıboldan áıelder arasynda Qazaqstan kýbogynyń shırek fınaldyq oıyndary ótýde
ALMATY. 16 qazan. QazAqparat - Búgin Qaraǵandyda voleıboldan áıelder komandalary arasynda HHІ Qazaqstan kýbogynyń shırek fınaldyq oıyndary bastaldy.
Bul saıys 23 qazanǵa deıin sozylady. Onda Ulttyq lıgadaǵy «Astana», «Ertis-Qazhrom» (Pavlodar), «Almaty», «Qaraǵandy», «Shyǵys-QorǵasynQurylys» (Óskemen), «Metallýrg AMT» (Temirtaý) men Joǵary lıganyń «A» dıvızıonyndaǵy «Qostanaı» jáne «B» dıvızıonyndaǵy «Qýanysh jáne K» (Soltústik Qazaqstan oblysy) arasynan úzdik shyqqan 3 komanda jartylaı fınalǵa joldama alatyn bolady. Alǵashqy oıynyn astanalyqtar soltústik qazaqstandyqtarmen, pavlodarlyqtar temirtaýlyqtarmen, almatylyqtar qostanaılyqtarmen, qaraǵandylyqtar óskemendiktermen ótkizýde. Jartylaı fınalda úzdik úshtiktiń qataryn Taldyqorǵannyń «Jetisýy» tolyqtyratyn bolady. El chempıonaty men kýbogynyń ıegeri sanalatyn taldyqorǵandyqtarǵa bıyl osyndaı múmkindik berilip otyr.
