Qaraǵandyda Vera Karpovany eske alýǵa arnalǵan jarys ótedi
ASTANA. QazAqparat -3-4 qarasha kúni Qaraǵandyda Qazaqstan Respýblıkasynyń eńbek sińirgen jattyqtyrýshysy Vera Karpovany eske túsirýge arnalǵan XII respýblıkalyq matchtyq kezdesý ótedi, dep habarlaıdy QazAqparat QR Jeńil atletıka federatsııasynyń resmı saıtyna silteme jasap.
Týrnırdiń saltanatty ashylý saltanaty 3 qarasha kúni 11:30-ǵa josparlanǵan.
Jarysqa 2004 jyly týǵan uldar men qyzdar qatysady. Árbir sport mektebinen bir komanda ǵana óner kórsetýge ruqsat etilgen. Komanda quramynda 12 sportshy (6 ul, 6 qyz) jáne 1 jattyqtyrýshy men 1 ókil bolýy tıis.
Qyzdar úsh saıystan synǵa túsedi. Úsh saıysqa 60 metrge júgirý, uzyndyq-bıiktikke sekirý (tańdaý boıynsha), 500 metrge kross kiredi. Názik jandy sportshylar arasyndaǵy 3 qarasha kúni ótedi.
Uldardyń jarys erejesi de dál osylaı. Tek krossqa 600 metrge júgiretin bolady. Olardyń saıysy 4 qarashaǵa josparlanǵan.
Vera Karpova - Afıny Olımpıadasynyń qola júldegeri Dmıtrıı Karpovtyń anasy. Turmysqa shyqqansha tegi Tkachenko bolǵan. 19 dúrkin Qazaqstan rekordsmeni. 2004 jyly asa aýyr dertten qaıtys boldy.
Vera Fedorovna 30 jyl boıy Qaraǵandyda jattyqtyrýshylyq qyzmet atqardy. Úsh bala tárbıelep ósirdi. Úlken uly - Maksım Karpov uzyndyqqa sekirý boıynsha KSRO quramasynyń sapynda óner kórsetken. Dmıtrıı Karpov - kópsaıystan Afıny Olımpıadasynyń qola júldegeri. Qyzy - Anna Karpova anasynyń jolyn qýyp, jetisaıyspen aınalysty. 2001 jyly jasóspirimder arasynda Azııa chempıony atanǵan.
