Qaraǵandyda «VeloTún» sport oıyndary ótedi
QARAǴANDY. QazAqparat - Qaraǵandyda besinshi «VeloTún» sport oıyndary ótkeli otyr, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
«Eń aldymen qaýipsizdik erejeleri boıynsha nusqaýlar beremiz. Qatysýshylar kólik jolyna shyǵyp ketpeýi tıis. Bıylǵy alǵashqy VeloTún 2 maýsym kúni ótti, kelesi oıyndar 30 maýsymda bolady», - deıdi uıymdastyrýshylardyń biri Anton Knaýs.
Baǵdar qalanyń ortalyǵynan ótedi. Komandalar túrli tapsyrmalardy oryndaıdy. Oǵan jarnasyn tólegen, jasy 18-den asqan kez kelgen oıynshylar qatysa alady. Qatysý jarnasy velosıpedi barlar úshin - 1500 teńge, al velosıped jalǵa alýshylarǵa - 2500 teńge.
30 maýsym kúni 22:00-de «Máńgilik alaý» memorıalynda qatysýshylardy tirkeýge alý bastalady. Komandalar 5-7 adamnan quralady. Oıynnyń máresi tańǵy 5-te jarııalanady.
