Qaraǵandyda vandaldar qıratqan kenshiler eskertkishi qalpyna keltiriledi
QARAǴANDY. QazAqparat - Qaraǵandyda qaza tapqan kenshilerdiń qurmetine ornatylǵan memorıaldyq keshendi qaıta qalpyna keltirý jumystary bastalyp ketti, dep habarlaıdy QazAqparat tilshisi qalalyq Mádenıet, demalys saıabaqtary men gúlzarlar basqarmasynyń baspasóz qyzmetine silteme jasap.
«Jyl saıyn qalada vandaldar kóshedegi otyratyn oryndyqtardy qıratady, gúlzarlarǵa temeki tuqyldaryn tastap ketedi, gúlderdi qazyp alady. Bizdiń qalada qaza tapqan kenshilerdiń eskertkishteri turǵyzylǵan kıeli jerlerdi qorlaǵanyn estigende basqa buzaqylyqtyń barlyǵy túkke turǵysyz bolyp qaldy», - dedi Qaraǵandy saıabaqtary basqarmasynyń bas ınjeneri Talǵat Smaıylov.
Vandaldar 23 shildege qaraǵan túni monýmentke zalal keltirgen. Belgilisiz urylar mystan jasalǵan áripterdi áketip qana qoımaı, granıt taqtalardy julyp alyp, qıratqan.
Keıin memorıaldy qaıta qalpyna keltirý jumystary qolǵa alyndy.
