Qaraǵandyda valıýta aıyrbastaý pýnktin tonap ketti
ASTANA. QazAqparat - Qaraǵandyda valıýta aıyrbastaý beketin tonap ketken 2 qylmysker izdestirilýde. Bul týraly QR ІІM Memlekettik til jáne aqparat departamentiniń dırektory Almas Sadýbaev málim etti, dep habarlaıdy QazAqparat.
Ótken túnde Qaraǵandy qalasynda valıýta aıyrbastaý beketine qaraqshylyq shabýyl jasaldy. Betperde taqqan eki adam ǵımaratqa kirip, kassırdi pyshaqpen qorqytý arqyly 3 mln 900 myń teńge, sondaı-aq 950 dollar, 2 650 eýro jáne 120 myń rýbl alyp ketken. Kúdiktilerdiń aty-jónderi anyqtaldy, olardy ustaý sharalary qabyldanyp jatyr», - dedi Almas Sadýbaev.
