Qaraǵandyda vagon ústinde selfı jasamaq bolǵan balalar toqqa tústi
QARAǴANDY. QazAqparat - «Qaraǵandy-Passajırskaıa» temirjol stansasynyń jolynda júk vagonynyń tóbesine shyqqan 14 jastaǵy eki balany toq soqty, dep habarlaıdy «QazAqparat» HAA tilshisi.
Vagonnyń elektr jelilerindegi toq kerneýi 27 myń volt bolǵan. Qaýip týraly bilmegen jetkinshekter erekshe selfı jasamaq bolyp, kúzetten jasyryna vagon tóbesine shyqqan.
«17 qarasha kúni saǵat 17:40-ta stansa jumysshylarynan shaqyrtý tústi. Elektr toǵymen jaraqat alǵan 14 jastaǵy eki bala aýrýhanaǵa jetkizildi. Denesiniń 65 paıyzyn kúıik shalǵan olardyń biriniń jaǵdaıy aýyr. Ekinshisiniń jaraqaty jeńil», - dep habarlady «Jedel medıtsınalyq járdem» mekemesinen.
