Qaraǵandyda úzdik ustazdarǵa oblys ákiminiń syılyǵy tabystaldy

Marapattaý rásimi Serik Sápıev atyndaǵy boks ortalyǵynda ótti. Ákim syılyǵy men dıplomdaryn 13 pedagog aldy. Toǵyz ustazǵa «Qaldyrǵan izi máńgilik» metsenattarynan 500 myń teńge kóleminde arnaıy syılyqtar tabys etildi.

Bilim berýdi damytýǵa qosqan erekshe úlesi úshin pedagogıka salasynyń eńbek ardageri Kúlish Tóleýhanova mıllıon teńge syıaqy aldy.

Saltanatty rásimdi Qaraǵandy oblysynyń ákimi Jeńis Qasymbek ashty.

«Men mektep muǵalimderin úlken rızashylyqpen eske alamyn, tipti qazir de osy sahnada men ózimdi taqtanyń janynda turǵan oqýshy retinde sezinemin. Búgin Memleket basshysy adamdarǵa ınvestıtsııa salý, bilim berýge jáne balalarymyzdyń bolashaǵyna ınvestıtsııa salý qajettigin aıtady. Bul, qazirgi ýaqytta memleket úshin eń mańyzdy aktıv», - dedi ol.

Aımaq basshysy oblysta Prezıdent Qasym-Jomart Toqaevtyń tamyz konferentsııasynda aıtylǵan tapsyrmalaryn júzege asyrýǵa kiriskenin atap ótti. Bul tizimde-pedagogterdiń jalaqysyn arttyrý, esep berýdi tómendetý, muǵalimderdi bógde is-sharalarǵa tartýǵa tyıym salý jáne t.b jańashyldyqtar bar.

Іs-sharanyń qurmetti qonaǵy jáne 40 jyldan astam eńbek ótili bar oqytýshy Kúlish Tóleýhanova «Bilim berýdi damytýǵa qosqan úlesi úshin» atty bas marapatynyń ıegeri atandy. Ol pedagogtar otbasynda dúnıege kelgen jáne mamandyqty tańdaý ýaqyty kelgende, áýlettiń izin jalǵastyrýdy sheshken. 1972 jyly Qaraǵandy pedagogıkalyq ınstıtýtynyń Qazaq tili men ádebıeti fakýltetin bitirgen. Jezqazǵan qalasynyń orta mektepteri men pedagogıkalyq ýchılışesinde sabaq berdi. Kúlish Tóleýhanova Serke Qojamqulov atyndaǵy mýzykalyq-drama teatrynyń dırektory boldy, Qaraǵandy mektepterinde oqý isiniń meńgerýshisi qyzmetin atqarǵan. Kóptegen pedagogıkalyq konferentsııalar men semınarlarǵa qatysty.

Merekelik kontsertte qonaqtar úshin Qaraqat Ábildına, Qadyráli Bolmanov, Medet Salyqov, Klara Tólenbaeva, «Vıtebsk -2019» estradalyq án oryndaýshylar halyqaralyq baıqaýynyń gran-prı ıegeri Ádilhan Makın, sondaı-aq vokaldyq jáne horeografııalyq ansamblder óner kórsetti.

Qaraǵandy oblysy ákiminiń syılyǵyna kelesi ustazdar ıe boldy:

«Mektepke deıingi uıymnyń úzdik pedagogy» nomınatsııasy

ıÝlııa Valerevna Kım – «Aqjarqyn» balabaqshasynyń tárbıeshisi. Ol «Zamanaýı bilim berý tehnologııalary» respýblıkalyq ǵylymı-tájirıbelik konferentsııasynyń jeńimpazy, «XXI ǵasyrdaǵy bilim: álemdik tájirıbe jáne perspektıvalar» respýblıkalyq ǵylymı-tájirıbelik konferentsııasynyń jeńimpazy. «Master-klassty úzdik ázirleý», «Sabaqty úzdik ázirleý» respýblıkalyq baıqaýlarynyń jeńimpazy.

«Úzdik bastaýysh synyp muǵalimi» nomınatsııasy

Almagýl Baıhazan, Osakarov aýdany № 1 tirek mektebinde bastaýysh synyp muǵalimi. «Úzdik avtorlyq baǵdarlama-2019» ashyq respýblıkalyq festıvaliniń jeńimpazy.

«Úzdik pán pedagogy» nomınatsııasy

Ardaq Adbyǵulova, №7 mektep-lıtseıiniń ınformatıka páni muǵalimi. Respýblıkalyq ǵylymı-praktıkalyq konferentsııada tájirıbe jınaqtap shyqqan. Onyń esimi «Máńgilik el ustazdary» ІІІ respýblıkalyq antologııasyna engizildi. Oblystyq, respýblıkalyq jáne halyqaralyq olımpıadalar men baıqaýlardyń jeńimpazdaryn daıyndady.

«Innovatsııalyq bilim berý uıymdarynyń úzdik pedagogy» nomınatsııasy

Olga Zeınalova, Abaı aýdanynyń №14 mektep-lıtseıiniń geografııa páni muǵalimi. A.Baıtursynov atyndaǵy shyǵarmashylyq pedagogkalyq olımpıadanyń, «DEMI-ÝRG» pedagogıkalyq olımpıadasy, «Ádistemelik vernısaj» pedagogıkalyq ıdeıalar baıqaýynyń júldegeri. «Tiri karta» jobasy aıasynda oblys pedagogtaryna sheberlik sabaqtar ótkizdi. Onyń oqýshylary túrli olımpıadalardyń júldegerleri.

«Pándik olımpıada jeńimpazdaryn tárbıelegen úzdik pedagog» nomınatsııasy

«Murager» mektep-ınternatynda Qazaq tili men ádebıeti muǵalimi Qymbat Smaǵulov. Onyń oqýshylary oblystyq «Aqberen» baıqaýynyń, jalpy bilim beretin pánder boıynsha respýblıkalyq olımpıadanyń oblystyq kezeńiniń, qazaq tilinen «Jarqyn bolashaq» olımpıadasynyń, Q. Bitibaeva atyndaǵy Respýblıkalyq qazaq tilinen ótetin olımpıadanyń jeńimpazdary bolyp tabylady. Ol 18-shi «20 jyl ishindegi ózgerister tájirıbesi» Ulttyq oqytý konferentsııasynda tájirıbe jınaqtady. Birneshe ret «qala-aýyl», «Nazarbaev Zııatkerlik mektepteriniń tájirıbesin translıatsııalaý» jobalary sheńberinde oblys mektepteri úshin sheberlik sabaqtar, oqytý semınarlaryn ótkizdi. «Qazaqstan Respýblıkasynyń Bilim berý isiniń qurmetti qyzmetkeri» tós belgisimen marapattalǵan.

«Úzdik pedagog-psıholog» nomınatsııasy

Ilıashova Symbat Berikqyzy - Sattarov atyndaǵy № 57 mektep-lıtseıiniń pedagog-psıhology. Qaraǵandy oblysynyń pedagog-psıhologtary assotsıatsııasynyń jetekshisi. Kámeletke tolmaǵandar arasynda sýıtsıdtiń aldyn alý boıynsha oblystyq deńgeıdegi sheber-jattyqtyrýshy. Saryarqa telearnasynyń «Oıtalqy» televızııalyq shoýynyń qatysýshysy. Bizdiń oblysty 2017 jyly birinshi Eýrazııalyq psıhologtar kongresinde tanystyrdy. Psıhologııadan respýblıkalyq qashyqtyq olımpıada jeńimpazdaryn daıyndady.

«Úzdik áleýmettik pedagog» nomınatsııasy

Gúljan Muhsınova, Aqtoǵaı aýdanyndaǵy Nurjanov atyndaǵy Tirek mektebiniń qyzmetkeri. Ol «Bilim berý uıymdaryndaǵy áleýmettik pedagogtiń jumys júıesi», «Devıantty minez-qulyqty balalarmen áleýmettik-pedagogıkalyq jumystyń erekshelikteri» taqyryptary boıynsha jumys tájirıbesin jınaqtaı aldy.

«Úzdik qosymsha bilim berý pedagogy» nomınatsııasy

Álııa Útenova, Balqash Oqýshylar saraıynyń qyzmetkeri. «Eń úzdik mektepten tys sharalar», «Eń úzdik synyp saǵatyn ázirleý», «Zamanaýı bilim jáne kompıýterlik tehnologııa» respýblıkalyq baıqaýlarynyń jeńimpazy.

«Balalar úıiniń úzdik pedagogy» nomınatsııasy

Gazezova Dınara Raıhanqyzy, «Tárbıe jumysy arqyly psıhıkalyq damýy tejelgen balalardy damytý» ádistemelik quralynyń avtory.

«Arnaıy (túzetý) mektep-ınternattardyń úzdik pedagogy» nomınatsııasy

Mamedova Rıta Imanovna - defektolog-muǵalim, damý múmkindigi shekteýli balalarǵa arnalǵan №5 oblystyq arnaıy mektep-ınternaty dırektorynyń oqý-tárbıe jumysy jónindegi orynbasary. «Oqy jáne úıren» kásibı ósý mektebi» oblystyq oqytý semınarlarynyń spıkeri. Elektrondy oqýlyqtyń ázirleýshisi, arnaıy túzetý mektebindegi kásiptik baǵdar berý jumysy boıynsha baǵdarlamanyń teń avtory.

«Úzdik óndiristik oqytý sheberi» nomınatsııasy

Gúlnár Jumına, Qaraǵandy tehnologııa jáne servıs kolledjiniń sheberi. Onyń oqýshylary WORLDSKILLS KARAGANDA jáne WORLDSKILLS KAZAKHSTAN baıqaýlarynyń júldegerleri.

«Kolledjdiń úzdik oqytýshysy» nomınatsııasy

Elena Sverdlova, «Qaraǵandy kásiptik-tehnıkalyq kolledjiniń» matematıka jáne arnaıy pánder oqytýshysy. WORLDSKILLS KARAGANDA chempıonatynyń bas sarapshysy. «Web – dızaın» quzyrettiligi boıynsha WORLDSKILLS KARAGANDA aımaqtyq chempıonatynyń qatysýshysy. «Smart-pedagog» respýblıkalyq ınternet-saıysynyń júldegeri, «Pedagogtyń úzdik portfolıosy» atty Ahmet Baıtursynov atyndaǵy respýblıkalyq pedagogıkalyq shyǵarmashylyq olımpıadasynyń jeńimpazy.

«Mamandyqqa adaldyǵy úshin» nomınatsııasy

Svetlana Drozdovskaıa, №1 gımnazııanyń orys tili men ádebıeti muǵalimi. Ol-Qazaq KSR halyq biliminiń úzdigi. Osymen otyz jyldan astam ýaqyt boıy tańdaǵan mamandyǵyna adal bolyp keledi. Ádistemelik jumyspen aınalysady, túrli baıqaýlarǵa qatysady. «Nobel syılyǵynyń laýreattary-aqyndar» hrestomatııasynyń ázirleýshisi. Respýblıkalyq «Úzdik avtorlyq baǵdarlama» baıqaýynyń qatysýshysy, oblystyq avtorlyq baǵdarlamalar baıqaýynyń 2019 jylǵy jeńimpazy. «Ádistemelik vernısaj»oblystyq festıvaliniń júldegeri.