Qaraǵandyda úzdik tergeýshiler anyqtaldy
QARAǴANDY. QazAqparat – Qaraǵandy oblystyq Polıtsııa departamentinde úzdik tergeýshi, úzdik tergeý bólimshesi, úzdik krımınalıst, krımınalıstıkalyq bólimshe jáne úzdik aýyldyq tergeý bólimshesi anyqtaldy, dep habarlaıdy QazAqparat tilshisi.
Qaraǵandy oblysynyń polıtsııa departamentinde óńirdiń tergeý jáne jedel-krımınalıstıkalyq bólimsheleriniń jumystary qorytyndylandy.
Jıynda úzdik bólimshelerdiń jumysy atap ótildi, erekshe kózge túsken qyzmetkerler gramotalarmen marapattaldy.
Qaraǵandy oblysynyń eń úzdik tergeýshisi dep Sátbaev qalasy polıtsııa bóliminiń aǵa tergeýshisi, polıtsııa aǵa leıtenanty Maqsat Kenjebek tanyldy. Ol sondaı-aq, taekvondodan álem chempıony, qoıan-qoltyq urystan Azııa chempıony bolyp tabylady.
Sonymen birge, Sátbaev qalasynyń PB tergeý bólimshesi aımaqtyń eń úzdik tergeý uıymy bolyp tanyldy.
Prıozersk qalasynyń PB úzdik aýyldyq tergeý bólimshesi bolyp tanyldy.
Qaraǵandy oblysynyń eń úzdik krımınalısi Sultan Jandybaev atandy.
Qaraǵandy qalasynyń Ońtústik-Shyǵys polıtsııa bóliminiń jedel-krımınalıstıkalyq bólimshesi de úzdikter qatarynan kórindi.
