Qaraǵandyda úılerinen esirtkiniń úsh túri tabylǵan er adam men áıel adam qamaýǵa alyndy
ASTANA. 12 qyrkúıek. QazAqparat - Qaraǵandy qalasy ІІB esirtki bıznesine qarsy kúres bóliminiń qyzmetkerleri «Mak - 2013» jedel aldyn alý sharalaryn júrgizý barysynda 43 jastaǵy er adam men 49 jastaǵy áıeldi ustady. Olardyń úıin tintý kezinde shkaftan polımerli paketke salynǵan jasyl tústi ózgeshe ıisi bar zat tárkilendi.
Bul týraly Qaraǵandy oblysy ІІD baspasóz qyzmetinen habarlady.
Sonymen qatar, jatyn bólmeden folgaǵa oralǵan, ishinde aq sur tústi ózgeshe ıisi bar untaqty zat jáne ishinde ashyq jasyl tústi ózgeshe ıisi bar untaqty zat salynǵan polımerli paket tabyldy.
Saraptamanyń qorytyndysy boıynsha, tárkilengen zattar esirtki zattary bolyp tabylady, olar: 1 gramǵa jýyq marıhýana, 1 gramnan artyq geroın jáne 1 keliden artyq gashısh. Qazirgi ýaqytta ustalǵandar ýaqytsha qamaý ızolıatoryna toǵytyldy, tergeý júrgizilip jatyr.
