Qaraǵandyda ustalǵan qylmystyq top memleketke 700 mln teńgeden astam shyǵyn keltirdi
NUR-SULTAN. QazAqparat – Qaraǵandyda qylmystyq top músheleri 2016-2020 jyldar aralyǵynda jalǵan shot-faktýralardy jazý boıynsha zańsyz qyzmetpen aınalysqan.
Qylmystyq top músheleleri QR Qarjy mınıstrligi Qarjy monıtorıngi komıtetiniń Qaraǵandy oblysy boıynsha Ekonomıkalyq tergeý departamenti qyzmetkerleri júrgizgen jedel-tergeý is-sharalarynyń nátıjesinde qolǵa túsken, dep habarlaıdy QazAqparat.
Atalmysh organnyń baspasóz qyzmetiniń málimetterine qaraǵanda, tergeý barysynda 7 adamnan turatyn top jalǵan kelisimsharttar jasaý jáne shyǵyndardy jasandy kóbeıtý arqyly bıýdjetke salyq tóleýden jaltarý kezinde salyq tóleýshiler-kontragentterge kómektesý maqsatynda baqylaýda ustaǵan 13 kásiporyn qurǵany anyqtaldy.
Atalǵan adamdardyń qylmystyq is-áreketinen memleketke keltirilgen jalpy zalal kólemi 700 mıllıon teńgeden asady.
«7 kúdiktige qatysty eshqaıda ketpeý týraly qolhat, 1 kúdiktige qatysty úıqamaq túrinde bultartpaý sharasy qoldanyldy. Qylmystyq is bekitilgen aıyptaý aktisimen sotqa joldandy»,-delingen QR Qarjy mınıstrligi Qarjy monıtorıngi komıtetiniń baspasóz qyzmeti taratqan aqparatta.
