Qaraǵandyda úshinshi qabattan bala qulap ketti
QARAǴANDY. QazAqparat - Qaraǵandyda bes qabatty úıdiń úshinshi qabatyndaǵy terezeden tórt jasar bala qulap ketti, dep habarlady «QazAqparat» HAA tilshisi.
12-shi shaǵyn aýdanyndaǵy №33 úıdiń turǵyndary jazataıym jaǵdaıǵa kýá bolǵan.
Oblystyq densaýlyq saqtaý basqarmasynyń baspasóz hatshysy Aıjan Isa habarlaǵandaı, bala Maqajanov atyndaǵy ortopedııa jáne travmatologııa ortalyǵyna jetkizildi.
«Qulaý saldarynan er bala jabyq bas-mı jaraqatyn alǵan, qabyrǵalary synyp, bulshyq etiniń kóptegen jaraqattary bar», - dep habarlady Aıjan Isa.
Oktıabr aýdanynyń ýchaskelik ınspektory terezesi ashyq bólmede balany qaraýsyz qaldyrǵan ata-anadan jaýap alýda.
Qutqarýshylar tipti birer sekýndqa qaraýsyz qaldyrylǵan balalar terezeden qulap ketip, onyń arty jıi ólimge alyp keletinin eskertýde.
«Jaz shyqty. Eresekter kóbine terezeni ashyq qaldyrady. Balalardy qaraýsyz qaldyrmaýdy suraımyz. Qaraǵandy oblysynda 2016 jyly balalardyń terezeden qulaýyna qatysty 15 jazataıym oqıǵa tirkeldi. Onyń 13-i aýrýhanaǵa jetkizilse, ekeýi kóz jumdy», - dep habarlady TJD baspasóz qyzmetinen.
