Qaraǵandyda úsh jerde zańsyz oıyn termınaldary anyqtaldy

QARAǴANDY. QazAqparat - Qaraǵandy qalasynda zańsyz oıyn bıznesi uıymdastyrylǵan úsh orynnyń qyzmeti toqtatyldy, dep habarlaıdy QazAqparat Qarjylyq monıtorıng agenttigine silteme jasap.

Agenttiktiń Qaraǵandy oblysy boıynsha Ekonomıkalyq tergep-tekserý departamenti Qaraǵandy qalasynda úsh jerden zańsyz oıyn termınalyn anyqtady.

«Zańsyz aınalymnan 6 oıyn termınaly tárkilenip alyndy, uıymdastyrýshylar olardy Ulttyq lotereıa operatorynyń termınaldary retinde kórsetip, tyıym salynǵan aqyly qumar oıyndaryn uıymdastyrýǵa qoldanylǵan. Zańsyz oıyn bıznesin uıymdastyrý deregi boıynsha tergeý júrgizilip jatyr», dep habarlaıdy QazAqparat.

Aıta keterligi, elimizdiń aýmyǵanda tek ulttyq operator ǵana óziniń termınaldary arqyly utys oıynyn ótkizý quqyǵyna ıe. Olar sarǵysh-kók tústi. Mindetti túrde logotıp, nómir jáne QR kod bolýy kerek.