Qaraǵandyda úsh jasóspirim sıntetıkalyq esirtki jasaıtyn zerthana ashqan

NUR-SULTAN. QazAqparat – Qaraǵandyda sıntetıkalyq esirtki jasaýmen aınalysqan úsh jasóspirim ustaldy. Bul týraly QR ІІM resmı ókili Nurdildá Oraz málim etti, dep habarlaıdy QazAqparat tilshisi.

«Qaraǵandyda esirtki bıznesimen kúres qyzmetkerleri sıntetıkalyq esirtki daıyndaıtyn zerthana uıymdastyrǵan úsh jasóspirimdi ustady. Olar bul úshin arnaıy páter jaldaǵan. Tintý barysynda arnaıy qurylǵylar men hımııalyq reagentter tárkilendi. Sotqa deıingi is qozǵalyp, tıisti saraptamalar taǵaıyndaldy. Іshki ister mınıstrligi ata-analarǵa bala tárbıesine kóńil bólip, olardy qaraýsyz qaldyrmaýǵa jáne minez-qulqyn baqylaýǵa keńes beredi», - dedi Nurdildá Oraz áleýmettik jelide ótken onlaın brıfıngte.

Resmı ókildiń aıtýynsha, buǵan deıin Qaraǵandyda sıntetıkalyq esirtki óndirisin jolǵa qoıǵan shetel azamaty ustalǵan. Polıtsııa odan 750 gramm sıntetıka tárkilegen.

Aıta keteıik, bir aptada Qazaqstanda jalpy sany 3424 qylmys tirkeldi. Polıtseılerdiń jedel áreket etýi nátıjesinde 2198 qylmys izi sýymaı ashyldy. Onyń ishinde19 adam óltirý, 38 tonaý jáne 513 urlyq faktileri áshkere boldy.