Qaraǵandyda úsh jasar bala gazdan ýlanyp qaıtys boldy
QARAǴANDY. QazAqparat - Qaraǵandydaǵy balalar aýrýhanasynyń jan saqtaý bóliminde gazdan ýlanǵan úsh jasar bala kóz jumdy, dep habarlaıdy «QazAqparat» HAA tilshisi.
«2013 jyly dúnıege kelgen balany qutqarý múmkin bolmady. Ol oblystyq balalar klınıkalyq aýrýhanasynyń jan saqtaý bóliminde kóz jumdy», - dep habarlady Qaraǵandy oblystyq densaýlyq saqtaý basqarmasy baspasóz qyzmetiniń basshysy Aıjan Isa.
Balanyń anasy basqa aýrýhanada jatyr, ol ekinshi ulynan aıyrylǵanyn ázirge bilmeıdi. Onyń bes jasar úlken uly jekemenshik turǵyn úıde peshtiń aqaýy saldarynan kómirqyshqyl gazyna ýlanǵan. Turǵyn úıde ornatylǵan pesh Qaraǵandy oblysynyń Osakarovka kentindegi jumysshyǵy tıesili bolǵan.
Eske sala keteıik, 22 naýryz kúni Qaraǵandy oblysy Qazybek bı aýdanynda jekemenshik úıde kómirqyshqyl gazdan ýlanyp, bes jasar bala qaza tapqan edi. Ajal qushqan er bala aýdandyq orta mekteptiń mektepke deıingi daıarlyq synybynda bilim alyp júrgen. 1985 jyly týǵan áıel Qaraǵandydaǵy oblystyq medıtsınalyq ortalyqqa, 2013 jylǵy bala klınıkalyq aýrýhanaǵa jetkizilgen.
