Qaraǵandyda úsh avtokólik pen monsha órtendi
QARAǴANDY. QazAqparat – Qaraǵandyda qalada ornalasqan monshalardyń birinde órt shyqty. Ot jalyny sonymen qatar ǵımarat janyndaǵy úı men 3 kólikti de sharpydy. Órt sóndirýshiler 5 adamdy qutqardy, dep habarlaıdy QazAqparat tilshisi.
Ermekov kóshesinde órt bolyp jatqany týraly habarlama saǵat 21:58-de tústi. Órt sóndirýshiler oqıǵa ornyna kelgende «Kedr» monshasynyń ǵımaratyn jalyn sharpyǵanyn baıqady. Jalyn ǵımaratqa irgeles ornalasqan úı men jaqyn mańdaǵy 3 kólikti de sharpyǵan.
«Oqıǵa ornyna TJD jeke quramynan 13 tehnıka men 50 adam jumyldyryldy. Ǵımarattan 5 adam qutqaryldy. Saǵat 22:40-ta órt sóndrildi. Oqıǵa saldaryn joıý jumystary jalǵasýda», - dep habarlady Qaraǵandy oblysy TJD baspasóz qyzmeti.
Aldyn ala málimetter boıynsha, jalyn ǵımarattyń 300 sharshy metr aýmaǵyn qamtyǵan.
