Qaraǵandyda úsh adamǵa oq jaýdyrǵan 31 jastaǵy qala turǵyny ustaldy
NUR-SULTAN. QazAqparat – Qaraǵandy polıtseıleri er adamdy óltirgen qylmyskerdi izin sýytpaı ustady, dep habarlaıdy QazAqparat Polisia.kz saıtyna silteme jasap.
31 tamyz kúni saǵat 13:00 shamasynda Qaraǵandydaǵy Oktıabr aýdanynyń Babýshkın kóshesindegi qalalyq aýrýhanaǵa oqtan jaralanǵan úsh adam tústi. Jábirlenýshilerdiń biri alǵan jaraqatynan kóz jumǵan.
Atalǵan fakti boıynsha QR QK 99-babymen sot aldyndaǵy tergeý amaldary bastaldy.
Polıtsııa qyzmetkerleri atalǵan qylmysty jasady degen kúdikke ilingen qalanyń 31 jastaǵy turǵynyn ustady.
Qazirgi kezde oqıǵanyń mán-jaıy anyqtalýda. Tergeý amaldary júrgizilip otyr.
