Qaraǵandyda urylar nebári 10 mınýttyń ishinde qaraýsyz qaldyrylǵan kóliktiń ishinen 20 myńnan astam AQSh dollaryn alyp ketti
QARAǴANDY. 10 shilde. QazAqparat - Qaraǵandy qalasynda «Mıtsýbısı» kóliginiń ıesi dúkenge nebári 10 mınýtqa kirip, 20 myńnan astam AQSh dollarynan aıyryldy.
Bul týraly Qaraǵandy oblystyq ІІD-niń baspasóz qyzmetinen habarlaıdy. Polıtsııanyń aqparatynsha, urlyq 9 shilde kúni Qaraǵandydaǵy Pıchýgın kóshesinde ornalasqan dúkenniń qasynda boldy. «Qaskóıler «Mıtsýbısı» kóliginiń shynysyn syndyryp, ishinde 1,5 mln. teńgeden astam jáne 10 myń AQSh dollarynan astam aqsha bolǵan sómkeni urlap áketti. Kólik ıesiniń aıtýynsha, ol nebary 10 mınýtqa ǵana shyǵyp ketken», - delinedi oblystyq ІІD-niń baspasóz qyzmeti taratqan habarlamada.
Jábirlenýshiniń aıtýynsha, aqsha JShS-niń biriniki.
«Urlyq faktisi boıynsha QR QK-niń 175 babymen qylmystyq is qozǵaldy. Tergeý júrgizilýde», - delingen habarlamada.
