Qaraǵandyda Ulttyq ulan jaýyngeri áıeldi órtten qutqardy
QARAǴANDY. QazAqparat - 14 mamyr kúni Ulttyq ulan qyzmetkeri Qaraǵandy turǵynyn órtten qutqardy, dep habarlaıdy QazAqparat Ulttyq ulannyń baspasóz qyzmetine silteme jasap.
Osy kúni shamamen saǵat 15:10-da Ulttyq ulanǵa qarasty 6505 áskerı bóliminiń áskerı qyzmetshisi, aǵa leıtenant Shyńǵys Qalıjanov qyzmetke bara jatyp Ahanov kóshesinde ornalasqan jer úılerdiń birinen tútindi baıqap qalǵan.
«Ol órt shyqan aýladan egde jastaǵy áıelderdi kóredi. Olardyń ómirine qaýip tónip turǵanyn túsingen aǵa leıtenant tez arada turǵyndarǵa kómekke umtyldy. Aýlaǵa kirip, azamattardy qaýipsiz jerge alyp shyǵady. Sodan keıin elektr jelilerdi óshirip, órt sóndirýshiler kelgenshe tilsiz jaýdy aýyzdyqtaýǵa tyrysady» delingen habarlamada.
Ulttyq ulan jaýyngeriniń saýatty áreketiniń arqasynda úı ıesi Tatıana Dmıtrýk aman qalyp, qyzyl jalyn jer úıdiń aýmaǵyna jaıylǵan joq. 
