Qaraǵandyda Ulttyq ulan sarbazdary dúken kassasynan aqsha urlaǵan adamdy qolǵa túsirdi

NUR-SULTAN. QazAqparat – Ulttyq ulannyń baspasóz qyzmetiniń habarlaýynsha, 27 sáýir kúni Qaraǵandynyń ońtústik-shyǵys aýdanynda 5451 ákerı bóliminiń sarbazdaryna jergilikti turǵyndardyń biri kelip, kómek suraǵan.

Áıeldiń aıtýynsha, belgisiz bireý «Azına» dúkeninen kirip, kassadaǵy aqshany alyp ketken, dep habarlaıdy QazAqparat QR Qlttyq ulanynyń baspasóz qyzmetine silteme jasap.

Áskerı narıad basshysy, serjant Rınat Qońqaev patrýldik qatardaǵy sarbaz Nur-Sultan Ámirjan jáne efreıtor Jánibek Ábishametpen birge uryny qolǵa túsirý úshin áıel adam kórsetken dúken jaqqa bet alady.

Arada 20 ımnýt ótken soń jergilikti jerdi sholyp shyqqan Ulttyq ulan sarbazdary Karbyshev kóshesiniń boıynan kómek suraǵan áıel sýrettegen adamǵa uqsas kúdiktini ustaıdy. Kúdikti 1970 jyly týǵan bolyp shyqty. Alaıda ol óziniń istegen áreketin moıyndamaı qoıǵan. Osyǵan baılanysty ol polıtsııa bólimshesine jetkizilip, onyń dúkennen aqsha urlap jatqandaǵy vıdeosy kórsetiledi.