Qaraǵandyda ulttyq sport túrlerinen jarys ótti
QARAǴANDY. QazAqparat - Qaraǵandyda «Ulttyq sport túrleriniń respýblıkalyq festıvali-2019» aıasynda at jarysy ótti, dep habarlaıdy QazAqparat tilshisi.
Aktsııa Otan qorǵaýshy jáne Jeńis kúni merekelerine arnalǵan. Maqsaty - qazaq ulttyq oıyndary barysyndaǵy erekshe kórinisti jáne qyzý tartysty kórsetý.
Oblystyń jas sportshylary toǵyzqumalaq pen qazaq kúresinen jarysty. Al balalar «kóńildi starttar» estafetasyna qatysty. Olar tiri laqty aýlap, jerden sadaq atyp, asyq oınady.
Aıta keteıik, qalalyq jarystar at sporty bazasynda ótti. Dodaǵa qatysýshylar jamby atý, teńge alý, aýdaryspaq sekildi kúrdeli jáne oıyn-saýyq sport túrleri boıynsha ózara baq talastyrdy. «Qaırat» ulttyq jáne at sporty túrleri mektebiniń tárbıelenýshileri men aýla klýbtary músheleriniń aldynda sport sheberleri men chempıondar óner kórsetti.
«Men bala kezimnen atqa minip, aýylda óskenmin. 2014 jyly Tarazǵa Monǵolııadan bapkerler keldi. Men oǵan arnaıy baryp, sheberlik kýrsyn aldym. Ótken jyly elordada ótken halyqaralyq týrnırde birinshi orynǵa ıe boldym. Majarstanda ótken jarysta jeńiske jettim. Qyrǵyzstandaǵy kóshpendiler oıyndarynda biz úzdikterdiń qatarynda boldyq», - dedi sport sheberi, jamby atý boıynsha Qazaqstan chempıony Talǵat Omarbaev.
Qaraǵandyda ótken festıvalge 300-ge jýyq sportshy qatysty.
