Qaraǵandyda Ulttyq gvardııa qyzmetkeri ózin-ózi atyp óltirdi
QARAǴANDY. QazAqparat - Qaraǵandyda áskerı qyzmetshi atylǵan kúıinshe tabyldy, dep habarlaıdy QazAqparat tilshisi.
QR Ulttyq gvardııasy «Ortalyq» óńirlik qolbasshylyǵynyń baspasóz qyzmeti málim etkendeı, 19 qyrkúıek kúni saǵat 16:00-de Qaraǵandy qalasy 6505 áskerı bólimi kelisimshart qyzmetiniń áskerı qyzmetshisi, kishi serjant Tımýr Gýrmanov ózin-ózi basynan atqan.
Oqıǵanyń mán-jaıy anyqtalyp jatyr. Bul týraly ortalyq óńirdiń áskerı prokýratýrasy men QR ІІM Áskerı-tergeý basqarmasynan habarlady.
Vedomstvoda atap ótkendeı, 22 jastaǵy áskerı qyzmetshi boıdaq bolǵan. Ol 2014 jyldan beri kelisimshart boıynsha jumys istegen.
