Qaraǵandyda TıÝRKSOI-dyń bas hatshysy Dúısen Qaseıinovke belgi qoıylady
QARAǴANDY. QazAqparat - Qaraǵandydaǵy juldyzdar alleıasyna Qazaqstannyń eńbek sińirgen qaıratkeri, professor, «TıÝRKSOI» halyqaralyq uıymynyń bas hatshysy Dúısen Qaseıinovke arnalǵan jańa juldyz ornatý sheshimi qabyldandy, dep habarlaıdy «QazAqparat» HAA tilshisi.
Juldyzdar alleıasy ortalyq mádenıet jáne demalys saıabaǵynyń kireberisinde ornalasqan. Juldyzdy ornatý Dúısen Qaseıinovtiń 70 jyldyǵyna arnaldy. Mundaı sheshimdi quramyna mádenıet basqarmasy men ákimdiktiń ókilderi jáne qoǵam qaıratkerleri kiretin komıssııa qabyldady.
Professor Dúısen Qaseıinov 1947 jyly týǵan. Ol ıspan jáne aǵylshyn tilderin erkin meńgergen. «Qazaqstannyń eńbek sińirgen óner qaıratkeri» ataǵynyń, «Qurmet» ordeni, «Parasat» ordeni, RF-nyń dostyq ordeni, Ázerbaıjannyń «Dostlýg» ordeni, Túrikmenstannyń «Mahtýmkýlı Fragı» medali, «Astana» eskertkish medali, «Polsha mádenıetine sińirgen eńbegi úshin» jáne «Tarlan» syılyǵynyń ıegeri.
