Qaraǵandyda túrmede otyrǵan 11 sottalýshy AITV ınfektsııasyn juqtyrdy
QARAǴANDY. QazAqparat – Qazirgi tańda tergeýshiler sottalǵandardyń AITV ınfektsııasyn qalaı juqtyrǵanyn anyqtaýda. Boljam boıynsha sottalǵandar esirtki zattaryn paıdalaný kezinde ınfektsııa juqtyrylǵan shprıts paıdalanǵan, dep habarlaıdy QazAqparat tilshisi.
Dolınka kentinde ornalasqan AK 159/20 túzetý mekemesinde AITV juqtyrýdyń 11 faktisi anyqtaldy. Atalmysh erler kolonııasynda aýyr emes qylmys jasaǵan sottalǵandar jazasyn óteıdi. Qazirgi tańda isti polıtsııa mamandary tergep jatyr. Tergeýshiler bas bostandyǵyn aıyrylǵandar ınfektsııany qalaı juqtyrǵanyn anyqtaıdy.
Qaraǵandy oblystyq JITS-tyń aldyn alý jáne oǵan qarsy kúres ortalyǵynda sottalǵandar ınfektsııany shprıts arqyly juqtyrǵanyn habarlady.
«Búgingi tańda sottalǵandar arasynda AITV ınfektsııasyn juqtyrý faktisi anyqtaldy. Barlyq sottalýshy jumysqa ornalastyrylǵan. Aýrý kolonııadan tys, olar jumys istegen jerde juqqqan. Infektsııa abaısyzda ınektsııa arqyly taralǵan», - dep túsindirdi Qaraǵandy oblystyq JITS aldyn alý jáne oǵan qarsy kúres ortalyǵynyń epıdemıologııalyq bóliminiń meńgerýshisi Marııa Nurtazına.
QAJ departamentinde bul oqıǵany polıtsııa tergeıdi dep habarlady.
«Dereý qyzmettik tergeý júrgizilip, qylmystyq is qozǵaý maqsatynda materıaldar Shahtınsk qalasynyń polıtsııa bólimine tapsyryldy. Qazirgi ýaqytta atalǵan fakti aıasynda sotqa deıingi tergeý júrip jatyr, onyń nátıjesi boıynsha oqıǵanyń sebebi anyqtalady»,- dedi Qaraǵandy oblysy boıynsha qylmystyq-atqarý júıesi departamentiniń ókili.
