Qaraǵandyda turǵyndar aýyl sharýashylyǵy ujymdaryna jumysqa ornalasýda
QARAǴANDY. QazAqparat - Qaraǵandy oblysynda ınvestıtsııalyq jobalardyń arqasynda aýyl sharýashylyǵy óndirisi jandanýda, dep habarlaıdy QazAqparat.
Oblystyq aýyl sharýashylyǵy basqarmasynyń jetekshisi ıÝrjan Bekqojınniń óńirlik kommýnıkatsııalar qyzmetinde ótken brıfıngten málim etkenindeı, jeke ózderi tartqan qarjynyń esebinen quny 57 mlrd 600 mln teńgeni quraıtyn 60 joba júzege asyrylǵan.
«Usaq jáne orta sharýashylyqtar aýyl sharýashylyǵy uıymdaryna tartylýda. Jyl basynan beri, 1 qazanǵa deıin 56 kooperatıv quryldy, al jyldyq jospar 38 bolatyn. Olardyń arasynda 25 sút jáne 31 et baǵytyndaǵy ujymdar bar»,-dedi ıÝrjan Bekqojın.
Eldiń barlyq óńirlerinde aýyl sharýashylyǵyn qoldaýǵa baǵyttalǵan túsindirý jumystary júrip jatyr. Memleket aýyl sharýashylyǵy kooperatıvterin qoldaýǵa baǵyttalǵan jańa tetikter oılastyrdy.
ıÝrjan Bekqojınniń sózinshe, óńirde 7 799 bas iri qaraǵa arnalǵan 891 otbasylyq bordaqylaý alańy salyndy. Aýyl sharýashylyǵy kooperatıvterine 2 myń 800-ge jýyq usaq jáne jeke sharýashylyqtar tartyldy. 2112 jańa jumys oryndary ashyldy.
«Aýyl sharýashylyǵy ónimderin qaıta óńdeý basym baǵyttardyń biri bolyp qala beredi. Árbir aýdan boıynsha qaıta óńdeý kásiporyndarynyń qýattylyq kartasy jasaldy. Bolashaqta sút óńdeıtin 4 óndiris oshaǵy men et óńdeıtin 7 óndiristi jańǵyrtý kózdelip otyr»,-dep habarlady ıÝrjan Bekqojın.
