Qaraǵandyda turǵyn úıdiń balkony opyrylyp, eki adam qaza boldy
ASTANA. 10 maýsym. QazAqparat - Qaraǵandy qalasynda turǵyn úıdiń balkonynyń opyrylyp qulaýynan eki jumysshy ajal qushty.
Bul týraly QR TJM-niń baspasóz qyzmetinen habarlady.
9 maýsym kúni Qaraǵandyda irgesi 1932 jyly qalanǵan úıdiń balkonynyń jaqtaýlaryn bólshekteý barysynda 3-inshi qabattaǵy balkon opyrylyp qulady.
Sol ýaqytta balkonda bolǵan páterdiń qojaıyny jaldaǵan 35 jastaǵy eki jumysshy aýrýhanaǵa jetkizilip, onda alǵan jaraqattardan kóz jumdy.
Balkonnyń qalǵan bólshekteri QR TJM Qaraǵandy oblystyq TJD-nyń 3 mamanynyń jáne bir tehnıkanyń kómegimen buzylyp alyndy.
