Qaraǵandyda turǵyn úıdegi iri órttiń sebebi aıtyldy
Qaraǵandy oblysynyń TJD bastyǵy Murat Katpanovtyń aıtýynsha, órt 5-qabattaǵy páterdiń balkonynda paıda bolǵan. Keıin ot ǵımarattyń búkil shatyryn sharpyǵan.
«Boljam boıynsha ǵımarattyń shatyrynyń jalpy aýdany 840 sharshy metrdi quraıdy. Ot shatyrdy tolyǵymen sharpyǵan. Órt shamamen kúndiz saǵat úshte paıda boldy. Órtti bir saǵat ishinde, saǵat 16.00-de aýyzdyqtalyp, 16.23-te joıyldy. Barlyǵy 37 adam, onyń ishinde 10 bala evakýatsııalandy. Órtti joıýǵa 88 adam men 17 tehnıka jumyldyryldy», - dedi Murat Qatpanov.
Qazirgi ýaqytta sý tógý jumystary jalǵasýda. Jergilikti jerde órttiń sebepterin anyqtaý boıynsha arnaıy bólimsheler jumys isteýde.
Esterińizge sala keteıik, búgin Qaraǵandydaǵy kópqabatty úılerdiń birinde órt shyqty. Órt ǵımarattyń shatyryn tolyqtaı sharpydy.
