Qaraǵandyda turǵyn úıde bolǵan órtten 1 adam mert bolyp, 3-eýi ýlandy
TANA. 5 qazan. QazAqparat - Qaraǵandyda kópqabatty turǵyn úıde bolǵan órttiń saldarynan 1 adam mert bolyp, taǵy 3-eýi kómirqyshqyl gazyna ýlanyp qaldy.
QR Tótenshe jaǵdaılar mınıstrliginen habarlanǵandaı, 4 qazan kúni keshqurym, Oktıabr aýdany, 11-shi shaǵynaýdanyndaǵy bes qabatty úıdiń besinshi qabatynan órt shyqty. 6 sharshy metr aýmaqqa taraǵan jalyndy QR TJM Qaraǵandy oblysy boıynsha TJD órtke qarsy qyzmetiniń 12 adamy men 4 tehnıkasy 40 mınýtta aýyzdyqtady.
Otpen kúres barysynda qutqarýshylar 49 jastaǵy azamattyń máıitin tapty. Ysty gazǵa ýlanǵan 23 jastaǵy eki boıjetken men 30-daǵy azamat aýrýhanaǵa jetkizildi.
