Qaraǵandyda turǵyn úı sertıfıkatyn alý úshin qaıda júginýge bolady
QARAǴANDY. QazAqparat – Turǵyn úı satyp alý kezinde bastapqy tólemdi jabý úshin áleýmettik kómek retinde turǵyn úı sertıfıkattary beriledi. Olar ortaq tabysy otbasynyń árbir múshesine shaqqanda aıyna eń tómengi kúnkóris deńgeıiniń 3,1 eselengen kórsetkishinen aspaıtyn áleýmettik toptarǵa beriledi, dep habarlaıdy QazAqparat tilshisi.
2021 jyly eń tómengi kúnkóris deńgeıi 34 302 teńgeni quraıdy.
Kómek somasy - turǵyn úı qunynyń 10%-y, biraq mıllıon teńgeden aspaıdy.
Turǵyn úı sertıfıkaty kelesi sanattarǵa beriledi:
- múgedek balalary bar nemese sondaı bala tárbıelep otyrǵan otbasylarǵa (jergilikti atqarýshy organdarda turǵyn úı alýǵa kezekte turǵandarǵa);
- «Altyn alqa», «Kúmis alqa» alqalarymen nagradtalǵan nemese buryn «Batyr Ana» ataǵyn alǵan, sondaı-aq I jáne II dárejeli «Ana dańqy» ordenderimen nagradtalǵan kóp balaly analarǵa, (jergilikti atqarýshy organdarynda turǵyn úı alýǵa kezekte turǵan) kóp balaly otbasylarǵa;
- tolyq emes otbasylarǵa (jergilikti atqarýshy organdarda turǵyn úı alýǵa kezekte turǵan).
Turǵyn úı sertıfıkatyn alý úshin Pospelov kóshesi, 16, 10-shy kabınet mekenjaıy boıynsha ornalasqan Qaraǵandy qalasynyń jumyspen qamtý jáne áleýmettik baǵdarlamalar bólimine júginý qajet. Jumys kestesi: dúısenbiden jumaǵa deıin 09:00-den 18:30-ǵa deıin, túski úzilis 13:00-den 14:30-ǵa deıin. Anyqtama telefondary: 56-72-27.
Sondaı-aq turǵylyqty jeri boıynsha HQKO-ǵa júginýge bolady.
