Qaraǵandyda Tuńǵysh Prezıdent kúnine oraı «Arqa sazy» folklorlyq ansambli óner kórsetedi
QARAǴANDY. QazAqparat - Qaraǵandydaǵy «Shalqyma» kontsert zalynda 1 jeltoqsanda Tuńǵysh Prezıdent kúnine oraı «Arqa sazy» folklorlyq ansambliniń kontserti ótedi, dep habarlaıdy oblys ákimdiginiń resmı saıty .
Ansambl repertýarynda negizinen kóp oryndala bermeıtin halyq ánderi men kúıleri, jergilikti kompozıtorlardyń ánderi bar. Óner ujymynyń quramyndaǵy mýzykanttar shekti, úrmeli, soqpa jáne shertpeli: dombyra, sherter, sybyzǵy, saz syrnaı, asataıaq, jetigen jáne basqa da aspaptarda oınaıdy.
Ansambl - Germanııa, Túrkııa, Frantsııa, Kýveıt elderiniń kórermenderin tańqaldyryp, tańdaı qaqqyzǵan óner ujymy.
