Qaraǵandyda tuńǵysh áýesqoı kınofestıvali ótedi
ASTANA. QazAqparat - 21 qyrkúıekte «Asqar» áýesqoı kıno túsirilimderine qatysýshylardyń jumystary laıyqty baǵasyn alyp marapattalady, dep habarlaıdy ekaraganda.kz.
Sharany ótkizýge muryndyq bolyp otyrǵan Sergeı Zabýrdıaev pen Vladımır Zýevtiń aıtýyna qaraǵanda, áýesqoı kınofestıvaldiń negizgi maqsaty - kásibı emes deńgeıde kıno túsirýmen aınalysatyn shyǵarmashylyq topqa qoldaý kórsetý.
«Kóp adamdar túsirilim jumystarymen aınalysa bermeıdi. Óıtkeni olar YouTube-de mıllıondaǵan rolıkterdiń arasynda eleýsiz qalady dep esepteıdi. Jalpy fılm túsirý ońaı sharýa emes, sondyqtan olarǵa qoldaý kórsetý asa mańyzdy», - dedi Vladımır Zýev.
Aıta keteıik, festıvalǵa qatysýǵa ótinim qabyldaý 31 tamyzǵa deıin jalǵasady.
