Qaraǵandyda túngi klýbta oq atqandardyń qarýy tárkilendi
QARAǴANDY. QazAqparat – Qaraǵandynyń túngi klýbtarynyń birinde er adamdar myltyqtan oq atqan. Polıtsııa eki qarý tárkiledi, dep habarlaıdy QazAqparat tilshisi.
15 qyrkúıek kúni 102 dıspetcher qyzmetine Qaraǵandy qalasynyń túngi klýbtarynyń birinde belgisiz adamdar oq atqany týraly habar kelip tústi.
«Jedel izdestirý sharasy kezinde polıtseıler «BMW X5» kóligin toqtatqan. Rólinde 21 jastaǵy júrgizýshi men 20-40 jas aralyǵyndaǵy úsh jolaýshy bolǵan. Avtokóliktiń salonyn tekserý kezinde bir oıyq uńǵyly atys qarýy men pnevmatıkalyq qarý tabylyp, tárkilendi», - delingen Qaraǵandy oblysy Polıtsııa departamentiniń baspasóz qyzmetindegiler.
Atalmysh derek QR QK 293-babynyń 3-bóligi boıynsha tirkeldi («buzaqylyq»). Qazirgi tańda oqıǵanyń mán-jaıy anyqtalýda. Qajetti saraptamalar taǵaıyndaldy. Tergeý júrgizilýde.
Avtory Agata Muhamedjanova
