Qaraǵandyda túngi klýbta qyzdar tóbelesti
QARAǴANDY. QazAqparat - Qaraǵandyda túngi klýbta qyzdar tóbelesti. Bul týraly Polisia.kz saıtynda málim etildi, dep habarlaıdy QazAqparat.
Qaraǵandy qalasynyń Polıtsııa basqarmasynyń Ortalyq polıtsııa bólimine túngi saǵat 01.30-da klýbtardyń birinde klıentter arasynda janjal týyndaǵany týraly habarlama túsken. Birer mınýttan keıin oqıǵa ornyna Qaraǵandy qalasynyń PB patrýldik polıtsııa polkiniń qyzmetkerleri jetken. Mán-jaıdy anyqtaı kele, 20 jastaǵy boıjetken men áıeldiń arasynda janjal týyndap, boıjetkenniń jaraqat alǵany belgili boldy.
«Jedel-izdestirý is-sharalarynyń barysynda polıtseıler kúdikti Jezqazǵan qalasynyń 25 jastaǵy turǵynyn anyqtap, ustady. QR Qylmystyq kodeksiniń 293-baby (Buzaqylyq) boıynsha qylmystyq is qozǵaldy. Qazirgi ýaqytta tergeý amaldary júrgizilýde», - delingen málimette.
