Qaraǵandyda tórt jasar qyzǵa ógeı ákesi pyshaq jaraqattaryn saldy
QARAǴANDY. QazAqparat - Qaraǵandy qalasynyń turǵyny tórt jasar ógeı qyzyna birneshe jerden pyshaq jaraqatyn saldy, dep habarlaıdy «QazAqparat» HAA tilshisi.
Jedel járdem qyzmeti balany aýrýhanaǵa kóptegen pyshaq jaraqattarymen jetkizgen. Abyroı bolǵanda, jaraqattar tereń bolmaǵan, ishki aǵzalary zaqymdanbaǵan. Medıtsınalyq kómekten keıin qyz bala aýrýhanadan shyǵaryldy. Polıtseıler kóp uzamaı onyń ógeı ákesin qamaýǵa aldy.
«Sotqa deıingi tergeý Qylmystyq kodekstiń 24-99 baby boıynsha («adam óltirýge oqtalý») júrgizilýde. Er adam ustaldy. Qylmystyń mán-jaıy anyqtalýda», - dep málim etti Qaraǵandy oblystyq ІІD baspasóz qyzmetiniń jetekshisi Baqytjan Qudııarov.
«QazAqparat» tilshisi atalmysh otbasymen tanys adamdarmen tildese aldy.
«Ol áıelin ógeı qyzynan qyzǵanatyn. Balaǵa kóp kóńil bólip, ony aıalap-mápeleıtini oǵan unamaıtyn. Buǵan qatysty tipti, urys-kerister de bolǵan. Qyzǵa pyshaq alyp júgirýi qyzǵanyshtan bolǵan dep oılaımyz», - dedi janıaunyń tanystary.
