Qaraǵandyda tóbeden ushqan shıfer avtomobıl áınegin syndyrdy
QARAǴANDY. QazAqparat - Qaraǵandyda qatty daýyl saldarynan avtokólik áınegi qırady, dep habarlaıdy «QazAqparat» HAA tilshisi.
Shıfer Qaraǵandynyń Álıhanov kóshesindegi № 35-inshi bes qabatty úıdiń shatyrynan túsken. Qurylys materıalynyń bólshekteri úıdiń aldynda turǵan «Mersedes» avtokóliginiń artqy áınegin tesip ótti. Kólikte jolaýshylar jáne júrgizýshi bolmaǵan.
TJ departamentiniń málimetinshe, Qaraǵandydaǵy daýyl nysandardyń ınfraqurylymyna áser etpegen. Ǵımarattardyń shatyrlarynyń qıraýy jaıly eshqandaı aqparat kelip túsken joq.
